13 de noviembre de 2017

Xornada de Voluntariado no entorno da Laxe da Cruces

O sábado, 11 de novembro, subimos ata a Chan de Pou, por enriba do barrio do Pantaño (Louredo-Mós) para facer un traballo necesario no entorno da Laxe das Cruces.
A cuadrilla, composta por Manolo Figueroa (da CMM de Louredo), Carlos Graña (fillo adoptivo de Petelos), Nico Morales (da Parroquia de Dornelas), Nuria Rodríguez (dende o Morrazo) e un servidor (na compaña de "Morrón", o can petroglifeiro) acometeu a laboura de levantar un muro que ha de protexer os gravados das escorrentías torrenciais que adoitan baixar do Galleiro cando chove.

Pola tarde Diego Copena (de ADENCO) achegabase dende o outro lado da serra (Ribadetea-Ponteareas) para darlle o relevo a Carlos e Manolo e así rematar a laboriosa tarefa.


 
Ao mesmo tempo outro grupo de voluntarios facía varias labores (limpeza, fotografía, etc,...) baixo a dirección da arqueóloga encargada da posta en valor da Laxe das Cruces.
Todo isto ante a cercanía dunha data especial, o Día Mundial do Patrimonio (16 de novembro), que este ano contará con numerosas actividades organizadas polas asociacións integrantes da REDE DO PATRIMONIO CULTURAL en toda a xeografía galega.


Foto de Nico Morales: A cuadrilla "muriando" duramente.

Foto de Nico Morales: Facendo o muro enriba da Laxe da Cruces.


Foto de Nico Morales: O "encarjado" non perde detalle.

Foto de Nico Morales: Amoreando pedras.

A Asociación Cultural VIAXAMOS NO TEMPO (antes Festa da Prehistoria), coa colaboración da CMM de Louredo, organizará o día 18 una visita a esta Laxe das Cruces na que os participantes poderán seguir a evolución dos traballos e as explicacións que sobre este gravado nos vai dar a directora desta intervención, Herminia Rodríguez.

Foto de Nico Morales: Nuria apañando pedras.


Foto de Nico Morales: O muro xa case rematado.

Pero veremos algo máis! unha nova sorpresa! As pedras siguen a falar na Terra das Mós.
Non vos perdades as publicacións desta semana nas que iremos adiantando algo e anotade o sábado (18) nas vosas axendas.



No hay comentarios:

Publicar un comentario